Jónsmessuhátíð 2026

Kæru, Íslendingar,

Félag Austurríkis og Norðurlandanna (VÖNL) efnir til Jónsmessuhátíðar þann 20. júní 2026 kl. 15–22 á Sportplatz Turnverein Liesing við Pellmanngasse 8, 1230 Wien.

Hátíðin er sérstaklega til heiðurs Íslands í ár! Framlag okkar Íslendinga til viðburðarins er að syngja nokkur sígild þjóðlög. Ég og aðrir stjórnarmeðlimir fölumst eftir söngfuglum okkur til stuðnings—við erum öll leikmenn á því sviði og væri því gott ef um hópsöng yrði að ræða. Ágóði af söngnum rennur til félagsins.

Við höfum fengið upplýsingar um að fólk á okkar vegum fái frítt inn á viðburðinn. Þá verður þar tombóla með tvo flugmiða til Íslands í aðalverðlaun! Hátíðin er fjölskylduvæn.

Ef einhverjir luma á íslenskum búningum og öðrum hefðum eða atriðum sem gætu átt rullu að spila á hátíðinni þætti okkur það mikilsvert.